President Welcome Message:  想當年

  想當年,蔡老師話: "光陰好似雞疴尿,快到睇唔到",轉瞬間,已經由細佬變亞哥,由亞叔變亞伯,
再變為公公婆婆,上升之速,快過打針.

單倫理老師認為"人生七＋古來少,前除年少後除老,中間光景不多時,又有嚴霜與煩惱" 70 歲之後,
係上帝額外恩賜, 唔係有身份証就有份,佢老人家曾經將人生劃一條線, 由 0 至 70 歲
0 ========================---- 70
   30                    60                     
 
原則上,我班旭社友已經用佐七份六, 好命,尚有十年八載,就要去向單老師報到。
依家日日話自已係 Sunriser, 認真搞笑, 自已嗡,自已開心,其实已經係
"鴛騖蒸水蛋---日落西山"啦！

不過,單老師又話 '海上微吟倚夕陽,黄昏雖近亦何傷.翩翩白鷺隨霞舞,泛泛歸舟藉浪行 .....
因此 ,60 歲之前,應該勤勤力力, 60 歲之後,有冇都差唔多定局,何必博埋條老命?
不如坐返低, 閗下氣, 飲杯茶, 食個飽.
一條 "冷" 飲茶食飽, 自巳講,自已笑,俾人悞會, 送佐去青山, 就認真唔精神,
最好揾返下舊同学,大家年紀相若, 又冇利害關係, 又了解背景, 每年搞一二次活動,
聚下舊, 同周維杰 唱下老歌,跳下老舞,鬆下腳骨,成個人都醒哂.  見一次,算一次, 
見得＋次八次, 就有人 "係咁先"行左去. 漸漸散檔,剩下的彭祖, 衹有一條 '冷', 
對住架電視機去"想當年"
 
奉勸各位同学,多多見面,有今生,冇來世, 唔使第日黄泉路上相見,笑問客從何處來?
 
 
    October 2002, 楊康裔

This page is updated on January 1, 2016 by: